Karasha - Pembejeo ya Lazima kwa Mchimbaji Mdogo




Hiki ni mashine ya kusaga mawe. Inatengenezwa hapa nchini karibia kila mahali kwenye maeneo ya uchimbaji wa Dhahabu. Inajumuuisha sehemu tatu kuu, Engine kwa ajili ya kuzalisha nguvu ya kuendeshea, Gearbox na propeller yake kwa ajili ya kusafirisha nishati kutoka kwenye engine kwenda kwenye mtungi. Sehemu ya tatu ni Mtungi ambao umebeba gololi za chuma zinazoponda mawe yenye dhahabu. 



Video: inaonyesha usagaji wa mawe ukiendelea kwa kutumia karasha linalotengenezwa na wenyeji lenye uwezo wa kusaga mawe yenye uzito wa kilo mia mbili (200kg) kwa lisaa limoja.

Mitungi mingi huwa inauwezo wa kusaga kilo 200 mpaka 250 za mawe ya mwamba wenye dhahabu kwa dakika 45. Kila Mtungi lazima uwe na gololi zisizo pungua 300. Ukubwa wa gololi hutofautiana lakini wengi hupendelea gololi zenye unene(kipenyo) cha milimita arobaini (40mm), za 60mm, za 80mm na 110 au 120Mm). Gololi nyingi huwa kati ya 60mm na 80mm. Wingi wa gololi na uwiano sahihi kulingana na ukubwa wa kipenyo cha gololi itasaidia usagaji na uivishaji haraka wa unga wenye dhahabu. Makarasha mengi yanaweza kufanya Kazi kwa masaa 10 kwa shifti Moja, mengine yanafanya kazi usiku mchana. 

Gharama ya kutengeza karasha moja inatofautiana kati ya eneo Moja na lingine, pia kulingana ukubwa wa mtungi na aina ya engine itakayotumika. Makarasha mengi yanaanzia TZS. 8Mil kwenda mbele kwa makarasha mapya na bei ya used ni kulingana na muuzaji. Uwekezaji wa kwenye karasha ni muhimu sana na tutatazama faida na hasara zake katika episode zinazofuata.

Location: Makongolosi, Tanzania

Comments

Post a Comment

Mradi wa Shinyampwaga

UVUMI KUHUSU DHAHABU

Image
Dhahabu iliyochomwa. Hivi umewahi kujiuliza kwa nini uchimbaji wa Dhahabu na madini mengine ya thamani kama Vito vya thamani (Almasi, tanzanite, yakuti samawi, zumaridi n.k) yanahusishwa sana Imani za kishirikiana!?  Kwa mfano kwenye dhahabu kuna dhana zifuatazo: ✓kuongeza/kukuza sampuli ya kwenye mtemba au ya rudio, ✓kutengeneza shimo,  ✓(gold rush) mfumuko wa ydhababu za kutengeneza, ✓kulinda sampuli n.k ✓ Pia kuna migodi wanawake hawaruhusiwi kuingia wala kusogelea!! ✓ Pia kuna wanaomini ukiwa na rudio linalosoma vizuri Sana kwenye sample unapaswa kulifunika kwa turubai kuweka uzio usio onyesha ndani la sivyo  ✓ Kuna wenye wa kuangalia na kushusha sample Yako kwa macho Yao!!! Kama wewe ni Mchimbaji au mdau wa sekta ya madini tupe uzoefu wako kwenye hii mada na kama unadhani hii mitizamo ina ukweli wowote!!  #dhahabu #gold #siri #fumbo #imani #uwekezaji #mila #tamaduni #hisia #mtazamo #tabia #sayansi #tanzania  
Read more

Dhahabu ya Vumbi la Vikole (Gold Dust)

Image
Hii inajulikana kama dhahabu ya kusekesa (kupembua) inayopatikana sana kwenye mito na makongoro hasa wakati wa mvua. Wanawake wajasiriamali kwenye maeneo ya uchimbaji ndio kundi mashuhuri sana linalojihusisha na utafutaji wa Dhahabu kwa njia hii. Dhahabu hii ikifika sokoni huchomwa (huyeyushwa) kwa kutumia gesi na kuungaishwa kuwa mche yabisi.
Read more

Dhahabu ya Kukamatisha (Gold Amalgam)

Image
Hii ni Dhahabu inayopatikana baada ya mwamba wenye Dhahabu kupondwa pondwa na kusagwa, kisha mchanga unaopatikana kuoshwa juu ya mtemba (mbao iliyotandikwa gunia iliyolazwa kimshazari) na ili kupembua Dhahabu-huru iliyokobolewa kwa njia upondaji na usagaji wa jiwe.  Picha hii inanyosha dhahabu ya kukamatisha ambayo ni hizo gololi kubwa zinazoonekana na vumbi la dhahabu linalotokana kuseka mchanga pembezoni mwa mito, mitaro na makorongo.   Kwa kuwa dhahabu ni moja ya metali nzito sana, hubaki katika matundu ya gunia lililotandikwa kwenye mtemba, na baadae hukung'utwa ndani ya pipa la maji na kisha mchanga uliopatikana huchanganywa na madini ya zebaki (mercury) ambayo huikamata dhahabu iliyopo katika mchanga. Sehemu ya mchakato huu wa Kukamatisha dhahabu huitwa "kupiga yuku" na inahitaji uzoefu na ujuzi mzuri ili kukamatisha dhahabu kwa asilimia kubwa.  Mchanganyo wa Dhahabu na mercury unaopatikana baada ya kupiga yuku huchunjwa katika kitambaa na kisha gololi zilizopatikan...
Read more