Namna ya Kuchukua Sampuli za Udongo wa Dhahabu.

Zipo namna kadha za kuchukua sampuli za Udongo kwa ajili ya kujua kiwango cha dhahabu kilichopo kwenye udongo husika. Namna ya kwanza ni kuchimba shimo kwa kutumia koleo, kiasi cha urefu wa mita1 au zaidi na kuchukua kiasi kidogo cha udongo kutoka kwenye ukuta wa shimo, pande zote za shimo. Idadi ya mashimo itategemeana na ukubwa wa rudio (kifusi cha udongo wenye dhahabu). Kifusi kikiwa kikubwa basi mashimo yanapaswa kuwa mengi ili kukupa sampuli inayowakilisha kwa kiasi kikubwa kiwango halisi cha dhahabu kilichopo.


Uchukuaji wa sampuli kwenye rudio kwa kutumia koleo.
 
Kiasi kidogo cha udongo huchotwa kwenye kila ukuta wa shimo na kisha huchanganywa pamoja kupata sampuli ya ujumla. Kulingana na bajeti ya mhusika unaweza kuigawanya sampuli yako mara mbili (duplicate sample) na kurudia kipima mara ya pili baada ya majibu ya sampuli ya awali ili kujiridhisha ufanisi wa maabara iliyopima lakini pia hupima ubora sampuli zako.

Hii ndio namna ya kuchukua sampuli ya rudio kwa kutumia mkono na koleo.

Lakini pia kama bajeti inaruhusu unaweza kuwa sampuli zaidi ya Moja kutoka kwenye rudio Moja na majibu yatakayopatikana ukakokotoa wastani kukadiria kiwango cha dhahabu kilichopo. Gharama ya kupima sampuli moja inaanzia sh. 30,000 na inaweza kutofautiana kati ya sehemu na sehemu.
Majibu ya sampuli yanawakilishwa katika mfumo wa gramu kwa tani!(g/t) au sehemu Moja kwa sehemu milioni Moja (part per million-ppm). Kwa mfano: 2g/t (2ppm) inamaanisha kwenye kila tani moja ya kifusi cha udongo kuna gramu mbili za dhababu. Kulingana na majibu uliyopata utapaswa kufanya mahesabu na kukadiria kiasi Gani dhahabu rudio la linapaswa kukuzalishia. Tutazungumzia kwa undani kipande hiki cha uwasilishwaji wa vipimo vya dhahabu kwenye rudio, mtemba na carbon katika makala zinazofuata.

Namna ya pili ni kutumia Bomba la chuma lenye urefu wa mita1 na nusu au zaidi (namna hii itazungumziwa kwenye sehemu ya pili ya mfululizo huu).

Kama una swali lolote kuhusiana na namna ya Kuchukua Sampuli za Udongo wenye dhahabu tafadhali liweke kwenye maoni hapo chini. Pia kama umependa makala hii like na fuata ukarasa wetu na washirikishe wengine pia.
Location: Chalangwa, Tanzania

Comments

Post a Comment

Mradi wa Shinyampwaga

UVUMI KUHUSU DHAHABU

Image
Dhahabu iliyochomwa. Hivi umewahi kujiuliza kwa nini uchimbaji wa Dhahabu na madini mengine ya thamani kama Vito vya thamani (Almasi, tanzanite, yakuti samawi, zumaridi n.k) yanahusishwa sana Imani za kishirikiana!?  Kwa mfano kwenye dhahabu kuna dhana zifuatazo: ✓kuongeza/kukuza sampuli ya kwenye mtemba au ya rudio, ✓kutengeneza shimo,  ✓(gold rush) mfumuko wa ydhababu za kutengeneza, ✓kulinda sampuli n.k ✓ Pia kuna migodi wanawake hawaruhusiwi kuingia wala kusogelea!! ✓ Pia kuna wanaomini ukiwa na rudio linalosoma vizuri Sana kwenye sample unapaswa kulifunika kwa turubai kuweka uzio usio onyesha ndani la sivyo  ✓ Kuna wenye wa kuangalia na kushusha sample Yako kwa macho Yao!!! Kama wewe ni Mchimbaji au mdau wa sekta ya madini tupe uzoefu wako kwenye hii mada na kama unadhani hii mitizamo ina ukweli wowote!!  #dhahabu #gold #siri #fumbo #imani #uwekezaji #mila #tamaduni #hisia #mtazamo #tabia #sayansi #tanzania  
Read more

Dhahabu ya Vumbi la Vikole (Gold Dust)

Image
Hii inajulikana kama dhahabu ya kusekesa (kupembua) inayopatikana sana kwenye mito na makongoro hasa wakati wa mvua. Wanawake wajasiriamali kwenye maeneo ya uchimbaji ndio kundi mashuhuri sana linalojihusisha na utafutaji wa Dhahabu kwa njia hii. Dhahabu hii ikifika sokoni huchomwa (huyeyushwa) kwa kutumia gesi na kuungaishwa kuwa mche yabisi.
Read more

Dhahabu ya Kukamatisha (Gold Amalgam)

Image
Hii ni Dhahabu inayopatikana baada ya mwamba wenye Dhahabu kupondwa pondwa na kusagwa, kisha mchanga unaopatikana kuoshwa juu ya mtemba (mbao iliyotandikwa gunia iliyolazwa kimshazari) na ili kupembua Dhahabu-huru iliyokobolewa kwa njia upondaji na usagaji wa jiwe.  Picha hii inanyosha dhahabu ya kukamatisha ambayo ni hizo gololi kubwa zinazoonekana na vumbi la dhahabu linalotokana kuseka mchanga pembezoni mwa mito, mitaro na makorongo.   Kwa kuwa dhahabu ni moja ya metali nzito sana, hubaki katika matundu ya gunia lililotandikwa kwenye mtemba, na baadae hukung'utwa ndani ya pipa la maji na kisha mchanga uliopatikana huchanganywa na madini ya zebaki (mercury) ambayo huikamata dhahabu iliyopo katika mchanga. Sehemu ya mchakato huu wa Kukamatisha dhahabu huitwa "kupiga yuku" na inahitaji uzoefu na ujuzi mzuri ili kukamatisha dhahabu kwa asilimia kubwa.  Mchanganyo wa Dhahabu na mercury unaopatikana baada ya kupiga yuku huchunjwa katika kitambaa na kisha gololi zilizopatikan...
Read more