Uchimbuaji wa Mwamba wenye Dhahabu.



Hii ni sehemu ya kwanza na muhimu sana katika mnyororo wa thamani sekta ya uchimbaji. Inahusisha hatua muhimu sana kama; survey (ili kugundua mwamba wenye Mali) hatua ambayo hufanywa na wanajiolojia wa kienyeji ambao wengi wamejifunza kupitia uzoefu wa miaka kadha kwenye shughuli za uchimbaji katika maeneo husika. 

Mwamba wa dhahabu unaochimbwa maeneo ya kwa Mjerumani kata ya Matundasi, wilaya ya Chunya

Hatua ya pili ni utoaji wa mawe kutoka kwenye shimo husika na kuangalia sampuli ya jiwe kwa kutumia koleo (au bakuli ndogo ya chuma) kujua kama kuna dhahabu huru (free gold) inavyoonekana kwa macho! 


Mtemba kwa ajili ya kuoshe ungwa wa mawe ya dhahahu yaliyosagwa kwenye karasha. 

Hatua ya tatu ni kuosha unga uliosagwa kwa kutumia tekinolojia ya mtemba na kukamatisha dhahabu kwa kutumia zebaki (kipimo kinachotumika kupimia kiasi cha unga wa mawe yaliyosagwa ni mifuko ya viroba ya kilo 20 ambayo hufafanishwa na dumu moja la lita 20- Yale madumu ya rangi ya njano). Wachimbaji huwa makini kuosha dumu kadha za unga wa mawe, halafu hulinganisha idadi ya gramu za Dhahabu iliyopatikana na jumla ya dumu zilizosagwa na kuoshwa. Dumu Moja likitoa kuanzia 0.1gram ya Dhahabu basi kuna uwezakano mkubwa shughuli za karashani zikajiendesha zenyewe bila kuhitaji nyongeza ya mara kwa mara ya mtaji wa uendeshaji.


Rundo la mawe yasiyochimbwa tayari kwa ajili ya kusagwa.

Hatua ya Nne: Ni upimaji wa rudio (udongo uliooshwa na kuchenjuliwa dhahabu huru kwa kutumia zebaki) ili kujua ni kiasi gani cha Dhahabu kipo au kimebaki. Upimaji hufanyika katika maaraba za miamba na majibu huchukua mpaka saa4 kukamilika. Majibu haya yanampa mchimbaji hamasa ya kuendelea kama ni mazuri kuanzia 1g/T (1gram kwa tani Moja ya udongo) au yanamkata hamasa ya kuendelea kama yapo chini ya 1g/T. Pia kama upana wa Mwamba ni chini ya sentimeta 20 basi sampuli ndogo kama 1g/T inakuwa haina tija kuichimba isipokuwa kuna uwezakano wa Mwamba kuendelea kutanuka kwa kadiri shimo litakavyozidi kwenda chini.

Mlima wa rudio(mchanga wa dhahabu) unaosubiri kuchenjuliwa


Kwa kifupi hivi ndivyo kifundo cha kwanza cha mnyororo wa thamani kinavyokuwa. Kwa mwenye maswali au maoni tafadhali weka hapo chini kwenye comment na tutapenda kukujibu maswali yenu au kusikia maoni yenu.
Location: Matundasi, Tanzania

Comments

Post a Comment

Mradi wa Shinyampwaga

UVUMI KUHUSU DHAHABU

Image
Dhahabu iliyochomwa. Hivi umewahi kujiuliza kwa nini uchimbaji wa Dhahabu na madini mengine ya thamani kama Vito vya thamani (Almasi, tanzanite, yakuti samawi, zumaridi n.k) yanahusishwa sana Imani za kishirikiana!?  Kwa mfano kwenye dhahabu kuna dhana zifuatazo: ✓kuongeza/kukuza sampuli ya kwenye mtemba au ya rudio, ✓kutengeneza shimo,  ✓(gold rush) mfumuko wa ydhababu za kutengeneza, ✓kulinda sampuli n.k ✓ Pia kuna migodi wanawake hawaruhusiwi kuingia wala kusogelea!! ✓ Pia kuna wanaomini ukiwa na rudio linalosoma vizuri Sana kwenye sample unapaswa kulifunika kwa turubai kuweka uzio usio onyesha ndani la sivyo  ✓ Kuna wenye wa kuangalia na kushusha sample Yako kwa macho Yao!!! Kama wewe ni Mchimbaji au mdau wa sekta ya madini tupe uzoefu wako kwenye hii mada na kama unadhani hii mitizamo ina ukweli wowote!!  #dhahabu #gold #siri #fumbo #imani #uwekezaji #mila #tamaduni #hisia #mtazamo #tabia #sayansi #tanzania  
Read more

Dhahabu ya Vumbi la Vikole (Gold Dust)

Image
Hii inajulikana kama dhahabu ya kusekesa (kupembua) inayopatikana sana kwenye mito na makongoro hasa wakati wa mvua. Wanawake wajasiriamali kwenye maeneo ya uchimbaji ndio kundi mashuhuri sana linalojihusisha na utafutaji wa Dhahabu kwa njia hii. Dhahabu hii ikifika sokoni huchomwa (huyeyushwa) kwa kutumia gesi na kuungaishwa kuwa mche yabisi.
Read more

Dhahabu ya Kukamatisha (Gold Amalgam)

Image
Hii ni Dhahabu inayopatikana baada ya mwamba wenye Dhahabu kupondwa pondwa na kusagwa, kisha mchanga unaopatikana kuoshwa juu ya mtemba (mbao iliyotandikwa gunia iliyolazwa kimshazari) na ili kupembua Dhahabu-huru iliyokobolewa kwa njia upondaji na usagaji wa jiwe.  Picha hii inanyosha dhahabu ya kukamatisha ambayo ni hizo gololi kubwa zinazoonekana na vumbi la dhahabu linalotokana kuseka mchanga pembezoni mwa mito, mitaro na makorongo.   Kwa kuwa dhahabu ni moja ya metali nzito sana, hubaki katika matundu ya gunia lililotandikwa kwenye mtemba, na baadae hukung'utwa ndani ya pipa la maji na kisha mchanga uliopatikana huchanganywa na madini ya zebaki (mercury) ambayo huikamata dhahabu iliyopo katika mchanga. Sehemu ya mchakato huu wa Kukamatisha dhahabu huitwa "kupiga yuku" na inahitaji uzoefu na ujuzi mzuri ili kukamatisha dhahabu kwa asilimia kubwa.  Mchanganyo wa Dhahabu na mercury unaopatikana baada ya kupiga yuku huchunjwa katika kitambaa na kisha gololi zilizopatikan...
Read more