"Kucheki" - Kuangalia Sampuli

Kuangalia Sampuli kwa kutumia Koleo. 

Hili neno linatotumiwa na wachoji au wachimbaji wadogo kuelezea namna kuangalia Mwamba kama una Dhahabu ya Kukamatisha. Baada ya mwamba unaosemekana kuwa una dhahabu kuchimbwa! Wachimbaji husaga dumu kadha za mawe na kisha wanatumia koleo kupembua unga wa mawe yaliyosagwa ili kuona kama Kuna dhahabu huru (free gold) inavyoonekana kwa macho. 

Ikiwa unga uliosagwa utaonyesha kuna mzigo (dhahabu) baada ya kuangalia sampuli kwa kutumia njia hii, basi matarajio ya kupata Dhahabu ya kukamatisha yanakuwa makubwa na kama Mwamba ni mkubwa kwa maana ya upana na urefu hiyo inaongeza uhakika wa shughuli za karashani kujiendesha na kukuza mlima wa rudio kwa haraka. Kama hakuna Dhahabu ya Kukamatisha, uendeshaji wa karasha unaweza kusuasua kwani kila wiki lazima pesa ya mafuta, chakula na oil itoke.

Kiasi cha dhahabu ya kukamatisha kwa mwezi kwa wakati wa kiangazi kinaweza kufika 4 kilo kwa siku ndani ya wilaya moja kwa wilaya zenye shughuli kubwa za uchimbaji. Kwa hiyo dhahabu ya kukamatisha inachangia kwa kiasi kikubwa sana sekta nzima ya madini ya metali.

Unaweza kutazama namna kupiga sample au chabo kwa kutumia koleo, kwa kubofya link hapo chini na kutazama video hii.

@aimborametals




Location: Sangambi, Tanzania

Comments

Post a Comment

Mradi wa Shinyampwaga

UVUMI KUHUSU DHAHABU

Image
Dhahabu iliyochomwa. Hivi umewahi kujiuliza kwa nini uchimbaji wa Dhahabu na madini mengine ya thamani kama Vito vya thamani (Almasi, tanzanite, yakuti samawi, zumaridi n.k) yanahusishwa sana Imani za kishirikiana!?  Kwa mfano kwenye dhahabu kuna dhana zifuatazo: ✓kuongeza/kukuza sampuli ya kwenye mtemba au ya rudio, ✓kutengeneza shimo,  ✓(gold rush) mfumuko wa ydhababu za kutengeneza, ✓kulinda sampuli n.k ✓ Pia kuna migodi wanawake hawaruhusiwi kuingia wala kusogelea!! ✓ Pia kuna wanaomini ukiwa na rudio linalosoma vizuri Sana kwenye sample unapaswa kulifunika kwa turubai kuweka uzio usio onyesha ndani la sivyo  ✓ Kuna wenye wa kuangalia na kushusha sample Yako kwa macho Yao!!! Kama wewe ni Mchimbaji au mdau wa sekta ya madini tupe uzoefu wako kwenye hii mada na kama unadhani hii mitizamo ina ukweli wowote!!  #dhahabu #gold #siri #fumbo #imani #uwekezaji #mila #tamaduni #hisia #mtazamo #tabia #sayansi #tanzania  
Read more

Dhahabu ya Vumbi la Vikole (Gold Dust)

Image
Hii inajulikana kama dhahabu ya kusekesa (kupembua) inayopatikana sana kwenye mito na makongoro hasa wakati wa mvua. Wanawake wajasiriamali kwenye maeneo ya uchimbaji ndio kundi mashuhuri sana linalojihusisha na utafutaji wa Dhahabu kwa njia hii. Dhahabu hii ikifika sokoni huchomwa (huyeyushwa) kwa kutumia gesi na kuungaishwa kuwa mche yabisi.
Read more

Dhahabu ya Kukamatisha (Gold Amalgam)

Image
Hii ni Dhahabu inayopatikana baada ya mwamba wenye Dhahabu kupondwa pondwa na kusagwa, kisha mchanga unaopatikana kuoshwa juu ya mtemba (mbao iliyotandikwa gunia iliyolazwa kimshazari) na ili kupembua Dhahabu-huru iliyokobolewa kwa njia upondaji na usagaji wa jiwe.  Picha hii inanyosha dhahabu ya kukamatisha ambayo ni hizo gololi kubwa zinazoonekana na vumbi la dhahabu linalotokana kuseka mchanga pembezoni mwa mito, mitaro na makorongo.   Kwa kuwa dhahabu ni moja ya metali nzito sana, hubaki katika matundu ya gunia lililotandikwa kwenye mtemba, na baadae hukung'utwa ndani ya pipa la maji na kisha mchanga uliopatikana huchanganywa na madini ya zebaki (mercury) ambayo huikamata dhahabu iliyopo katika mchanga. Sehemu ya mchakato huu wa Kukamatisha dhahabu huitwa "kupiga yuku" na inahitaji uzoefu na ujuzi mzuri ili kukamatisha dhahabu kwa asilimia kubwa.  Mchanganyo wa Dhahabu na mercury unaopatikana baada ya kupiga yuku huchunjwa katika kitambaa na kisha gololi zilizopatikan...
Read more