Uwekezaji katika Mgodi wa Dhahabu

Fursa ya Kuwekeza kwenye mgodi mdogo wa dhahabu uliopo eneo la Mapogoro katika kata ya chokaa wilaya ya Chunya, mkoa wa Mbeya. 



Sampuli ya mwamba inasoma kati ya 2.5g/t mpaka 3.5g/t. Mwamba una upana wa koleo moja na hivyo, upatikanaji wa mawe ya kusaga sio changamoto. 

Mmiliki wa Mgodi ambaye ni mmiliki wa leseni ndogo ya uchimbaji anavifaa vyote vya muhimu kwa wachimbaji wadogo kama compressor, mono ya kuvutia maji, digger kwa ajili ya kuchorongea, karasha kwa ajili ya kusagia mawe n.k 

Kiasi kinachohitajika kwa ajili ya kazi hii ni TSH. 5,000,0000/- ambacho kitatumika kwa ajili uendeshaji wa kazi kwa ajili ya kununua vilipuzi, mafuta kwa ajili ya kusagia mawe, chakula na mishahara ya wafanyakazi. 



Picha hii inanyosha mtemba unatumika kuoshea mwamba wa dhahabu

Malengo ni kuchimba na kusaga dumu 1200 kwa mwezi na awamu ya kwanza itafanyika kwa kipindi cha miezi 2 na wiki 3, ambapo miezi 2 itakuwa ni kuchimba na kusaga mawe na wiki tatu za mwisho ni kwa ajili ya uchenjuaji. Hivyo ndani ya awamu ya kwanza ya mradi tunarajia kuzalisha dumu 2400 za mawe ambazo ni sawa na tani 200 au tanki 4 kwa lugha ya kichimbaji. Makadiro ya chini ya mradi huu ni kupata gramu 300 za dhahabu, ambapo mwekezaji atakuwa na asilimia 25% ya faida yote itakayopatikana ambayo haitakuwa chini ya 60% ya fedha yote aliyowekeza. Mwekezaji au Mdhamini atakuwa na fursa ya kuendelea kuwekeza kama atapenda mara baada ya awamu ya kwanza ya mradi kukamilika. 

                                           
                                                    Picha hii inaonyesha jiwe la Mwamba

Aimbora Metals Ltd itakuwa mdhamini wa mradi huu na hivyo kiasi cha fedha kilichowekwa na mwekezaji/mdahamini kitalindwa na kusimamiwa ipasavyo na kuhakikishwa kinatumika kama ilivyopangwa na ikiwa mradi umeshindwa kuzalisha kufikia malengo na matarajio kwa sababu zozote zile za asili au za kibinadamu, kampuni ya Aimbora itawajibika kurejesha fedha yote ya mwekezaji pamoja na riba ya 5% kila mwezi kwa kipindi cha chote cha mradi ambapo pesa ya mwekezaji au mdhamini ilikuwa imetolewa. 

Kwa maelezo zaidi wasiliana nasi kwa namba zifuatazo: 0713332005 au 0754600080.



  

Location: Chunya, Tanzania

Comments

Post a Comment

Mradi wa Shinyampwaga

UVUMI KUHUSU DHAHABU

Image
Dhahabu iliyochomwa. Hivi umewahi kujiuliza kwa nini uchimbaji wa Dhahabu na madini mengine ya thamani kama Vito vya thamani (Almasi, tanzanite, yakuti samawi, zumaridi n.k) yanahusishwa sana Imani za kishirikiana!?  Kwa mfano kwenye dhahabu kuna dhana zifuatazo: ✓kuongeza/kukuza sampuli ya kwenye mtemba au ya rudio, ✓kutengeneza shimo,  ✓(gold rush) mfumuko wa ydhababu za kutengeneza, ✓kulinda sampuli n.k ✓ Pia kuna migodi wanawake hawaruhusiwi kuingia wala kusogelea!! ✓ Pia kuna wanaomini ukiwa na rudio linalosoma vizuri Sana kwenye sample unapaswa kulifunika kwa turubai kuweka uzio usio onyesha ndani la sivyo  ✓ Kuna wenye wa kuangalia na kushusha sample Yako kwa macho Yao!!! Kama wewe ni Mchimbaji au mdau wa sekta ya madini tupe uzoefu wako kwenye hii mada na kama unadhani hii mitizamo ina ukweli wowote!!  #dhahabu #gold #siri #fumbo #imani #uwekezaji #mila #tamaduni #hisia #mtazamo #tabia #sayansi #tanzania  
Read more

Dhahabu ya Vumbi la Vikole (Gold Dust)

Image
Hii inajulikana kama dhahabu ya kusekesa (kupembua) inayopatikana sana kwenye mito na makongoro hasa wakati wa mvua. Wanawake wajasiriamali kwenye maeneo ya uchimbaji ndio kundi mashuhuri sana linalojihusisha na utafutaji wa Dhahabu kwa njia hii. Dhahabu hii ikifika sokoni huchomwa (huyeyushwa) kwa kutumia gesi na kuungaishwa kuwa mche yabisi.
Read more

Dhahabu ya Kukamatisha (Gold Amalgam)

Image
Hii ni Dhahabu inayopatikana baada ya mwamba wenye Dhahabu kupondwa pondwa na kusagwa, kisha mchanga unaopatikana kuoshwa juu ya mtemba (mbao iliyotandikwa gunia iliyolazwa kimshazari) na ili kupembua Dhahabu-huru iliyokobolewa kwa njia upondaji na usagaji wa jiwe.  Picha hii inanyosha dhahabu ya kukamatisha ambayo ni hizo gololi kubwa zinazoonekana na vumbi la dhahabu linalotokana kuseka mchanga pembezoni mwa mito, mitaro na makorongo.   Kwa kuwa dhahabu ni moja ya metali nzito sana, hubaki katika matundu ya gunia lililotandikwa kwenye mtemba, na baadae hukung'utwa ndani ya pipa la maji na kisha mchanga uliopatikana huchanganywa na madini ya zebaki (mercury) ambayo huikamata dhahabu iliyopo katika mchanga. Sehemu ya mchakato huu wa Kukamatisha dhahabu huitwa "kupiga yuku" na inahitaji uzoefu na ujuzi mzuri ili kukamatisha dhahabu kwa asilimia kubwa.  Mchanganyo wa Dhahabu na mercury unaopatikana baada ya kupiga yuku huchunjwa katika kitambaa na kisha gololi zilizopatikan...
Read more